Adele është rikthyer në Mbretërinë e Bashkuar, ndërkohë që është shumë afër realizimit të albumit të saj më të ri. Thuhet se këngëtarja është shumë pranë kompletimit të albumit, i cili po pritet me padurim nga fansat.
Ajo ka qëndruar këto kohë në Amerikë, ku u shfaq edhe në spektaklin Satyrday Night Live. Adele u pa teksa darkonte me një mikeshë në Chiltern Firehouse javën e kaluar, hera e parë që ajo ishte parë në këtë anë të Atlantikut për një muaj.
Së fundmi këngëtarja tha se albumi i saj “nuk është ende gati” dhe tashmë ajo ka ardhur në shtëpi për ta realizuar atë. “Adele dëshiron të mos vihet re gjatë kohës që do të qëndrojë në Londër dhe këtë gjë mund ta bëjë fare lehtë me një maskë në fytyrë. Njerëzit nuk e njohin atë si dikur gjithsesi. Ajo nuk ka qenë në gjendje të publikojë këngë të re, por tashmë është plotësisht e përqëndruar për të realizuar siç duhet çdo pjesë të albumit”, kanë thënë disa burime për “The Sun”.
