Adele pushoi çdo kritikues gjatë koncertit në Glastonbury, mbrëmjen e së shtunës, me një performancë emocionuese dhe të fuqishme he nuk ishte vetëm zëri i saj që impresionoi.
Këngëtarja veshi një fustan të bukur të bërë me porosi nga Chloé, që çdo kush në audiencë do ta donte.
Turma e mbledhur përpara skenës në formë piramide dukej sikur ishte shtrirë aq gjatë e gjerë sa ç’ mund të shihte një sy, i cili ishte i përfshirë nga një rreze vetëtime (në nder të David Boëie të ndarë nga jeta) në qendër të skenës, ndërsa Adele e nisi performancën me “Hello”.
Në këndim e sipër, ajo ndryshoi tekstin në një moment, duke shprehur togfjalëshin “e kam ëndërruar Glastonbury”-n, duke shkaktuar kështu ulërima të mëdha vlerësuese nga turma. E teksa kënga arrinte pasazhin përmbyllës, ajo sërish iu drejtua turmës me “dukeni të mrekullueshëm”, përpara se të ftonte audiencën të këndonte së bashku me të.
“Glastonbury nënkupton vet botën për mua, nuk po gënjej teksa e them këtë. Gjithnjë kam dashur të këndoj këtu, gjatë gjithë jetës sime, por kam qenë shumë e frikësuar. Dëshiroja të vija në këtë festival që kur isha në moshën e vogël”, tha Adele më vonë.
Duke iu kthyer veshjes së saj drejtorja kreative e “Chloe”, Clare Waight Keller, u shpreh se ndiheshin shumë krenarë që Adele zgjodhi pikërisht markën e tyre në këtë rast. Ajo zbuloi se fustani iu desh 200 orë për t’u realizuar me kaq shumë kopsa dhe guaska që qëndisura në të, i cili përcillte kostumet vendase të viteve ’70.
Burimi: Harper’s Bazaar
