Kryeministri Edi Rama ka dënuar shkeljen e anonimitetit të viktimës së abuzimit seksual, 15-vjeçares që u përdhunua për 3 vite rresht nga roja i shkollës në Babrru.
Në fjalën e tij të mbajtur në Kuvend, kreu i qeverisë tha se jo vetëm që nuk u ruajt anonimiteti i vajzës, por u përdor nga mediat.
Pak më parë iconstyle.al dënoi rastin e emisionit “Me zemër të hapur” i cili transmetoi videon e minorenes duke u abuzuar seksualisht! Rama tha se duke i bërë kaq publike këto raste, rrezikojmë të mos kemi më denoncime, pasi në të kundërt mund të kthehesh në personazh.
“Këto krime janë shumë të vështira për tu kapur por nëse kthehen kështu, do të kemi zero denoncime. Kjo është ti thuash të gjitha atyre që janë objekt i ngacmimeve mos guxo të denoncosh se do të bëhesh personazh”, tha Rama.
Kryeministri i doli në mbrojtje edhe ministres së Arsimit, Besa Shahini, për të cilën tha se i ka marrë masat prej fillimit kur u denoncua rasti.
Pjesë nga fjala e kryeministrit:
“Vetëm në Shqipëri ndodh që viktima të bëhet mish për top. Ajo çfarë kërkon viktima është të ruhet anonimiteti.
E marrin dhe e përplasin ekran më ekran, portal më portal, kjo është kanibalizëm.
Është fatkeqësi të shohësh se një i mitur viktimë e dhunës përdoret pa vetëdije. Por, në fakt krimi është krim, kur vret vret. Unë nuk besoj që ata që dhunojnë publikisht një ministre Arsimi, një grua e kanë hallin tek e drejta. Nuk mund të mbrosh një viktimë duke abuzuar një tjetër.
Këtu viktima është marrë dhe është bërë paçavure dhe askush nuk ka shkuar të qajë hallet me të pa lënë që të merret vesh. Nëse ka një njeri që e di me siguri që e ka bërë është ajo gruaja atje, që me paturpësi më të madhe lloj-lloj mostrash me fytyrë njeriu e sulmojnë pa pushim. Çfarë duan ata?
Këto krime janë shumë të vështira për tu kapur por nëse kthehen kështu, do të kemi zero denoncime. Kjo është ti thuash të gjitha atyre që janë objekt i ngacmimeve mos guxo të denoncosh se do të bëhesh personazh. Kur ndodhin këto është rasti për të kujtuar se çfarë bëhen në foltoren e Kuvendit.
Kush e përdor mikrofonin në këtë vend për tët hënë fjalën më të ulëta për ta kthyer ofendimin në kulturë komunikimi, për ta përdorur shpifjen si platformë mediatikisht është më keq se ai përdhunuesi. Ne duhet të na vijë turp, nëse vërtetë ajo që ndodhi nuk na prek. Nëse nuk na vjen turp nga vetja për atë që ndodhi, ne thjesht marrim pjesë në ridhunimin publik të një të miture dhe përgatisim dhunimet e ardhshme.
Duke i dhënë mesazhin se mirë ai që ju përdhunoi, por shikoni sa janë këta çakej që iu përflasin. Si njeri dhe si qytetar, për ata që kanë ngritur dorën kundër Besës ju them se ju jeni më keq se ai mësuesi , sepse ai dhunon si monstër një të mitur, ju kultivoni dhunën në shpirtin e të gjithë të miturve. Çfarë dënimi me vdekje. Kjo nuk është punë kodi. Ato vijnë sepse në i kultivojmë vetë. Në shtëpinë e të prishurve të politikës shqiptare jepet shembulli se nëse do t’ja dalësh në jetë, atëherë vidh, shaj.
