Këngëtarja e njohur Zanfina Ismaili është rikthyer së fundmi në vëmendjen e publikut. Ajo ka bërë një reagim në rrjete sociale, lidhur me abuzimin e 11 vjeçares në Kosovë.
Ajo ka kritikuar të gjitha ata që kanë publikuar postime lidhur me ngjarjen në rrjete sociale, duke theksuar se e gjitha është bërë për “vëmendje”.
“Lërini tastierat se i shkatërruat! Nëse doni vërtet t’i ofroni ndihmë 11 vjeçares së përdhunuar, paguajini seanca te psikiatrit! Që unë e para po ia paguaj, lërini fjalët dhe kërkimin e vëmendjes për vete.”- shkruan Zanfina.
Zanfina Ismaili ka disa vite që nuk është aspak aktive në muzikë. Ndërkohë që të gjithë mendonim se kjo mund të ishte një pauzë, njësoj siç bëri edhe Adelina disa vite më parë, në fakt nuk ishte e tillë. E ftuar në emisionin “tetë a tetë” të motrës së saj, Zanfina zbuloi se ka marrë një vendim pa kthim pas.
Ajo tregoi se nuk do i rikthehet më muzikës dhe se kapitullin e saj të karrierës artistike e ka mbyllur përfundimisht. Zanfina tha se aktualisht po punon në dy profesione të ndryshme, por preferoi të tregonte se për çfarë bëhet fjalë.
Zanfina i është futur botës së medias njësoj si motra e saj e madhe, Adelina. Por në krahasim me Adelinën që është pjesë e ekranit, Zanfina ka zgjedhur të jetë më e fshehtë. Ajo ka nisur punë në një radio në Prishtinë, por nuk dihen detaje të tjera në lidhje me këtë gjë.
