Të kesh një mama fashioniste dhe të “çmendur” pas modës duket sikur është ëndrra e shumë vajzave, por 7- vjeçarja Harper Beckham zbuloi se ajo nuk mund të veshë çfarë të dojë kur vjen fjala tek moda.
“Page Six” raporton se Victoria nuk e lejon Harper të veshë veshjet e saj të vjetra kur ishte pjesë e Spice Girls dhe arsyeja është se ato janë shumë të zbuluara.
“Më duhet të them se isha e habitur nga veshjet dhe sa të zbuluara kanë qënë. Unë dilja me pak rroba veshur” – tha Beckham për Cindi Leive, ish – redaktore e “Glamour”.
Këto veshje përfshinin disa kostume lëkure të ngushtë dhe disa fustane të ngushta Gucci. Megjithëse këto veshje janë perfekte për kohën kur ishin, nuk i shkojnë fare përshtat Harper-it, është shprehur Victoria.
Beckham zbuloi për “Vogue” se ajo ende ka mjaft prej atyre veshjeve dhe Harper ka dëshirë t’i provojë. Beckham tha për Leive se vajza e saj kishte kërkuar t’i provonte rrobat e saj të vjetra, por ajo nuk e kishte lejuar. “Ato mikro-minifunde duhet të qëndrojnë aty ku duhet, në të kaluarën”- tha Beckham.
“Unë i them që nuk duhet t’i veshë në asnjë mënyrë dhe ajo më thotë ‘ Wow mami, ti ke veshur funde shumë të shkrurtra” – tha Beckham.
“Po Harper unë i kam veshur, por ti nuk ke për t’i veshur! Është fjalia klasike ‘bëj si them unë mos bëj si bëj unë’ “- shtoi më tej fashionista.
