Abonetë e përgjithshme për të gjithë qytetarët që përdorin transportin publik janë rikthyer në treg. Është bërë e ditur se shitja e aboneve të përgjithshme do të nisë nga 1 korriku.
Këshilli Bashkiak i Tiranës miratoi sot vendimin, pasi gjatë muajit qershor Drejtoria e Transportit e Trafikut Rrugor mblodhi të dhënave për shërbimin e transportit qytetës.
Mësohet se përveç urdhrit për të rikthyer abonetë e përgjithshme në treg, do të ketë edhe heqje të licencës për disa nga operatorët e transportit publik, të cilët nuk kanë respektuar standardet dhe kanë shkelur rregullat e vendosura nga Bashkia e Tiranës.
Para pak ditësh, disa qytetarë u mblodhën pranë Bashkisë së Tiranës dhe kanë protestuar për rikthimin e aboneve të hequra dhe kanë akuzuar bashkinë dhe kryetarin e saj, Erjon Veliaj.
View this post on Instagram
Kujtojmë se aboneja e përgjithshme me vlerë 16 mijë lekë të vjetra u pezullua në datën 1 qershor, me arsyetimin se bashkia do të riorganizojë itineraret, frekuencat e lëvizjes dhe kushtet e shërbimit të transportit publik për udhëtarët. Për të sqaruar qytetarët e Tiranës në lidhje me këtë çështje, Enton Punavija, drejtori i Transportit, foli për emisionin “Breaking”.
“Deri në fundin e vitit të kaluar kemi analizuar ecurinë e këtij sektori pas lirimit të masave Covid-19, e ku pati një rritje graduale. Por kjo nuk u reflektua në të gjitha linjat e transportit publik, i cili është një shërbim jetik për qytetarët. Si pasojë, Bashkia e Tiranës duhet të merret me riorganizimin e këtij sektori. Për të kuptuar edhe masat që mund të merren në vijim.
Duhet të shikojmë nëse një linjë duhet të funksionojë në parametrat që ka pasur, apo ndonjë linjë duhet të bashkohet me ndonjë tjetër. Disa linja transporti janë gati në mbyllje. Bashkia ishte e detyruar që ta kërkonte këtë pezullim të abonesë së përgjithshmeAbonetë rikthehen në kushtet siç ishin deri tani. Në momentin që shkollat hapen janë edhe abonetë e studentit.
Qershor, korrik dhe gusht nuk do të ketë. Në shtator rikthehemi në kushtet e mëparshmeKa qenë kërkesë nga Bashkia e Tiranës për këshillin bashkiak. Në tërësinë e vet, mund të ketë operator që nuk janë korrekt me kontratën që kanë firmosur. Bashkia mund të marrë masa drastike deri në mbylljen e një linje, nëse nuk funksionon brenda kontratës që kishin para pandemisë”, u shpreh Punavija.
