Prej kohësh përflitet një zënkë mes Noizy-t dhe pjesëtares së grupit OTR Oriola Marashi, pasi ata nuk e ndjekin më njëri- tjetrin në Instagram.
Oriola u prezantua si pjesëtarja e re e OTR në gusht të 2017-ës, duke u konsideruar nga lideri i grupit si “lëvizja e madhe e radhës”.
Por planet e saj për muzikë nën logon e OTR duke se u harruan dhe Oriola është fokusuar kryesisht në karrierën e saj si modele.
Nuk e dimë nëse kjo përkthehet si një zënkë me kreun e grupit, por dyshja mbrëmë kanë qenë në një vend bashkë duke festuar.
Ndonëse nuk kanë publikuar foto bashkë, Oriola dhe Noizy kanë qenë në të njëjtën festë, bashkë me miqtë dhe reperin Cash Money, i cili ka publikuar foto me të dy.
Oriola ka shprehur vazhdimisht mirënjohje për atë që e quan “familje”, grupin OTR.
“Më e rëndësishmja është familja ime OTR, jam gjithmonë aty për ta dhe ata janë gjithmonë aty për mua!”, shkroi Oriola.
A thua të jenë pajtuar?
