Publikimi i këngës së fundit të reperit Agon Amiga të titulluar “Bobi” ka risjellë dhe një herë në vëmendje historinë e shumëpërfolur midis tij dhe këngëtares Afërdita Dreshaj.
Bëri shumë bujë kjo lidhje mes këngëtarëve pasi asokohe Agon Amiga ishte ende një burrë i martuar dhe ai po shkelte betimin ndaj gruas së tij, Egzonës.
Dreshaj nuk e pranoi kurrë këtë histori megjithëse Agon Amiga rrëfeu asokohe në një intervistë se gjithçka ishte e vërtetë madje që i kishte dedikuar dhe këngën “Qyqek”.
Lidhja që thuhet se nisi gjatë kohës që dyshja punonte për këngën “Topless” u bë dhe shkak për përfundimin e martesës së Agon Amigës dhe duket se së fundmi është rikthyer në vëmendje.
Në tekstin e këngës së re “Bobi” bie në sy fraza: “A t’kam thon kurrë mos me m’thirr të telefon? Gruan e kam afër dhe ti po m’shqetëson.”
Siç shkruan “Intv.al”, duket se dhe kjo këngë i është dedikuar këngëtares, ndonëse për të dy palët jet aka vazhduar.
Afërdita nga njëra anë është e martuar prej një viti me lojtarin çek të hokejt Jakub Kindl, ndërsa Agon Amiga është rikthyer me ish-gruan, e cila vetëm pak kohë më parë solli në jetë fëmijën e tyre të parë.
