Flori Mumajesi e nisi 2018-n me këmbë të mbarë! Kantaurori vendosi të sillte një stil disi ndryshe muzike dhe klipi, me elementë tradicional të kulturës kineze.
Ditën e djeshme ai publikoi këngën “Shanghai” një bashkëpunim me DJ Vicky-n dhe një ftesë për “partneren” që ta shoqërojë drejt atij vendi.
Por ne na bën përshtypje kjo pjesë e refrenit të këngës:
“A të ka munguar ndjenja ime? Ndoshta/ Me të përqafuar a të ka munguar? Ndoshta/ A të merr malli për mua? Ndoshta/ Të vije ti me mu? Ndoshta”.
Kujt ia dedikon vallë Flori? Emri i vetëm që na vjen ndërmend mund të jetë ai i Elvana Gjatës, por lidhja e shumëpërfolur e tyre ka përfunduar prej kohësh dhe Flori flitet se ka nisur një romancë me moderatoren Liberta Spahiu.
Në klip kudo mbizotëron ngjyra e kuqe dhe në të shfaqen modele aziatike shumë tërheqëse. Për herë të parë shohim dyshen të veshur me këtë stil, ndërsa qëndrojnë shumë afër modeleve për të shtuar dozat e sensualitetit.
Burimi: Iconstyle.al
