Loredana dhe Jozi, dy emra që pas “Big Brother Albania” vazhdojnë të tërheqin vëmendjen e ndjekësve, janë rikthyer sërish në qendër të diskutimeve pas disa postimeve që shumë i kanë interpretuar si “kunja” të ndërsjella.
Gjithçka nisi me një “Instagram Story” nga Jozi, ku ai publikoi një pjesë nga kënga e tij “Po shprehem”, të shoqëruar me një fjali që u pa si një mesazh me nënkuptim:
“Lyp ku të duash, se më të mirë s’gjen.”
Kaq ka mjaftuar që rrjetet sociale të shpërthejnë me komente, sidomos pasi vetëm pak ditë më parë, Loredana kishte deklaruar në “Shqipëria Live” se Jozi ka qenë i vetmi partner që ka pasur këtë vit.
Por as Loredana nuk qëndroi në heshtje. Vetëm pak orë më vonë, ajo publikoi një foto të re, të shoqëruar me një mbishkrim që shumë e lexuan si një përgjigje të drejtpërdrejtë ndaj ish-partnerit:
“Lojërat e tua tregojnë madhështinë time. T’fala të dashurës.”
Ky reagim i saj u pa nga ndjekësit si një “thumb” i qartë jo vetëm për Jozin, por edhe për partneren e tij aktuale, një vajzë jashtë botës së famës, për të cilën ai kishte folur më parë publikisht.
Dyshja, që dikur u komentua gjerësisht për raportin e tyre brenda shtëpisë së “Big Brother”, duket se vazhdon të ngjallë interes edhe pas ndarjes. Çdo postim, çdo fjali e tyre kthehet në lajm dhe ushqen thashethemet për një “luftë” të heshtur mes tyre.
