Një studim i kryer nga Universiteti Australian James Cook ka zbuluar më shumë rreth ‘seksit të rastësishëm’.
Si referencë është marrë rezultati i një sondazhi me mbi 701 pjesëmarrës të moshave të ndryshme midis 18 dhe 82 vjeç, të cilët iu nënshtruan një sërë pyetjesh që synonin të analizonin marrëdhëniet e tyre më të fundit rastësore.
Nga monitorimi u arrit në përfundim se, ideja për të pasur një marrëdhënie të rastësishme shpesh lind pas përjetimit të emocioneve negative.
Gratë janë më të prirura për t’u përfshirë në marrëdhënie të këtij lloji për të luftuar momentet e vetmisë, pakënaqësisë, presionit ose shqetësimit me veten.
Studiuesit nënvizojnë faktin se, dëshirat seksuale të rastësishme vijnë si pasojë e një ndjesie pesimiste për veten dhe ndjenjës së vetmisë.
Gjithashtu është zbuluar se seksi i rastësishëm pas kënaqësisë së momentit fsheh disa efekte negative për të dyja gjinitë, por ndikon më shumë te femrat.
Përkundrazi, pjesëmarrësit meshkuj raportuan emocione pozitive që për fat të keq nuk do të zgjasin për një kohë të gjatë.
https://www.instagram.com/p/C3DCKl7M24Z/
