Dafina Zeqiri ka qenë padyshim një nga artistet më aktive në muzikë këto kohë. Këngëtarja ka realizuar një sërë këngësh dhe një pjesë prej tyre janë në radhë për t’u publikuar të cilat do të jenë pjesë e alumit të saj më të ri “Dafinë moj”.
Së fundmi, ajo na ka prezantuar me cover-in e këtij albumi, i cili ishte mjaft i veçantë, ashtu si vetëm artisja di të sjellë projekte speciale.
Teksa të gjithë po presin me padurim këngët e këtij albumi, fotoja e cover-it të tij ka shkaktuar një debat të madh në rrjet. Ashtu siç shihet, në mes të një tufe me dele, Dafina ka në duar të voglin e dhisë.
Ka qenë pikërisht kjo gjë, ajo që i ka konfuzuar që të gjithë ndjekësit e artistes.
Ndërsa një fanse i ka komentuar që t’i lutet pronarit të mos e therë këtë qingj dhe pas kritikave që e korrigjojnë Dafinën pse ka shkruar: “Goat” (dhi), ajo ka vendosur që t’i japë fund gjithë këtij debati.
“Po ta shohesh me vëmendje do të kuptosh që është bebi i një dhie dhe jo i deles. Sigurisht që unë e di më mirë kuptimin e coverit të artit tim”- ka shkruar ajo.
