Për këtë verë, këngëtarja Ronela Hajati na kishte premtuar një klip “pisllik” siç e quan ajo dhe duket se projekti tashmë është gati!
Këngëtarja e cila bën bujë me këngët e saj “pa filtra”, duket se do ta djegë edhe njëherë rrjetin me hitin e ri që do të titullohet “Aventura”.
Vetë Ronela është tepër e emocionuar për këtë projekt, madje mezi po pret që fansat ta dëgjojnë.
Në llogarinë e saj në Instagram, këngëtarja ka ndarë një pjesë të “Aventurës” e cila duket tepër ritmike dhe është bërë fiks për këtë verë.
“A ke nai mendje sonte?”- janë fjalët e këngës që hapin videon e Ronelës në Instagram dhe u fiksuam që tani!
https://www.instagram.com/p/CCTzmMJlocp/
Projekti i ri nuk ka ende një datë publikimi, megjithatë duket se s’do të vonojë shumë.
Kjo verë e gjeti Ronelën single, siç ajo tregoi për “Prive”.
“Po beqare jam dhe shumë mirë madje. Punë vetëm punë për momentin. Është e vetmja gjë ku jam shumë e fokusuar dhe kur fle mendoj për punë. Jam e izoluar dhe e fokusuar vetëm në punë. Po ndihem shumë mirë. Njeriu nuk mjaftohet kurrë edhe kur je shumë shumë mirë, prapë do të kesh diçka që nuk e ke. Unë shoh shoqet e mia. Kur janë në një lidhje duan të kalojnë kohë vetëm me shoqet, kur janë vetëm duan lidhje. Kur kanë diçka, duan diçka tjetër. Njeriu nuk ngopet”.- u shpreh ajo.
Gjithashtu, përsa i përket projekteve muzikore Ronela tregoi:
“Kam 2 projekte mund të bëhen 3 dhe 4, por tani në mes të korrikut xhiroj klipin. Kam pëlqyer të jem vetë këtë vit. Nëse ia dal vetë këtë verë, domethënë se kam shumë potencial si artiste.”
