“Llafe llafe”, dueti mes Dafina Zeqirit dhe Lyrical Son ishte një ndër hitet e kësaj vere. Përpos suksesit të këngës, pjesa nga teksti “S’ka këtu faj veç Dafina” u bë virale kudo. Së fundmi, Lyrical Son ka zbuluar më tepër detaje nga dueti i tyre, ku mes të tjerash ka zbuluar dhe “gabimin” e tij.
“Dafina ma ka çuar instrumentalin shumë më parë, por isha në SHBA për punë. Pastaj u vonuam pak, sepse kënga duhet të dilte më herët, por faji ishte imi. Faj s’ka këtu Dafina, faj ka Festimi se ka qenë në Amerikë”, tha reperi për shprehjen e famshme.
Kujtojmë se ai ka treguar për Wake Up, se albumi i tij në bashkëpunim me MC Kreshën është drejt përfundimit.
“Albumi brenda këtij viti realizohet. Të shohim si po shkojnë punët, se ne të dy punojmë çdo ditë.
Ne projekt konsiderojmë albumin, jo një këngë.”
Reperi thotë se çelsi i suksesit të tyre është se “ta përplasin” realiteitn në fytyrë.
“Puna është mos të jemi përsëritës. Ne i kemi kaluar të gjitha temat, të cilat kanë të bëjnë me dashurinë. Madje dje kur po inçizonim një këngë ndalova dhe po ushtroja nofllën.Kam qejf që njerzit të ma kuptojnë tekstin, jo thjesht të kalojnë nëpër të.Ne nuk kemi fansa, ne kemi dashamirës. Kemi tentuar gjithmonë të jemi sa më origjinal, sa më natyral, në mënyrë që njerëzit të jenë afër vlerës arkaike. “, – tregoi Festimi
