Jordyn Woods dhe Kylie Jenner kanë qenë të pandashme derisa u bë publik skandali i madh i tradhtisë mes 21-vjeçares dhe Tristan Thompson i cili ka qenë partneri i Khloe Kardashian.
Jo vetëm që u shkatërrua një familje, por edhe një shoqëri e cila ka zgjatur për vite me radhë u ndërpre në mes.
Fillimisht pasi gjithçka u bë publike, Kylie e dëboi nga shtëpia e saj Woods dhe më pas ndodhi diçka që u përfol në gjithë rrjetin.
Produktet e kozmetikës për të cilat bashkëpunuan dy ish-shoqet e ngushta, linja e të cilave quhet “Jordy Lip Kit”, patën një ulje drastike të çmimeve, nga 27$ në 13.50$.
Pas kësaj, të gjithë gishtat filluan të drejtoheshin nga Kylie! Shumë persona ndanin mendimin se ajo uli çmimet si shenjë hakmarrjeje ndaj Jordyn.
Mirëpo përgjatë një interviste për “The New York Times” bukuroshja e cila është nënë e një vogëlushjeje të quajtur Stormi, ka deklaruar se asgjë nuk është e vërtetë nga ato që thuhen lart e poshtë: “Nuk është në karakterin tim. Nuk do ta bëja kurrë diçka të tillë dhe kur e pashë që çmimet ishin ulur, u befasova!”
Rikujtojmë se pas skandalit, dy ish-mikeshat e ngushta kanë pasur shumë pak komunikim me njëra-tjetrën, ka raportuar një burim për “People”.
