Nëse Adelina Tahiri do të bëjë një video-live, një nga komentet më të shpeshta nga fansat e saj lidhet pikërisht me ndërhyrjet në fytyrë. Prej kohësh ajo dyshohet se ka rënë pre e operacioneve plastike, por të cilat i ka mohuar gjithmonë.
Edhe gjatë ditës së sotme, këngëtarja shqiptare u komentua gjatë një regjistrimi “live” në Instagram se, ishte më e bukur para së të transformohej dhe se nuk duhej të ndryshonte asgjë në fytyrë.
Adelina vendosi njëherë e mirë që t’i japë fund këtyre komenteve, duke u treguar shumë e drejtpërdrejtë.
“Kam bërë vetëm buzët, por nuk është operacion plastik, se janë mbushës. Por jam bërë pishman se, ma keni shpifur duke më thënë se kam bërë operacione plastike. Sikur jam e gjitha plastikë”, iu drejtua këngëtarja ndjekësve.
Edhe më herët këngëtarja ka treguar se veç buzëve nuk ka bërë asnjë ndryshim në fytyrën e saj, duke theksuar se femrat e “showbiz”-it janë mbushur me operacione.
Ajo mirëpriti djalin e parë Jon më 27 gusht dhe në një kohë shumë të shkurtër iu kthye formave të dikurshme fizike.
Burimi: Instagram
