Banori i eliminuar këtë javë nga “Big Brother Vip Kosova”, Edoni, ka dhënë intervistën e tij të parë pas daljes nga shtëpia e famshme.
Teksa ripërsëriti se diçka që e ka penalizuar është fakti se ai është drag queen dhe pjesë e komunitetit LGBT. I pyetur nga “Prive” se cili nga banorët ka treguar një mbështetje fallco për këtë komunitet, Edoni tha emrin e Stresit.
“Stresi më duket që atë mbështetjen për komunitetin LGBT e ka fake sepse përpiqej ta thoshte disa herë që i mbështet, kjo më bën të dyshoj. Pastaj thotë diçka të kundërt”– tha Edoni.
I pyetur nëse ka ndonjë banor në shtëpi që është pjesë e komunitetit LGBT, Edoni u përgjigj me bindje “Po.”
“Mendoj që ka brenda në shtëpi njerëz të komunitetit LGBT. Nuk dua të them emra pasi ata nuk kanë dalë vetë hapur, por kam dyshimet e mia në njerëz të caktuar”- tha Edoni.
Edon Shileku ose Victoria Owns ishte një banor kaq shumë i komentuar i Big Brother VIP Kosova.
Ai bëri një bujë shumë të madhe me aparencën e tij, duke shfaqur një personazh ndryshe nga të tjerët.
Gjatë qëndrimit në shtëpi ai ka treguar se ka qenë abuzues i drogave vite më parë por kanë qenë prindërit ata që e kanë shpëtuar. Më tej, aktori theksoi se dëshiron shumë që me personazhin e tij të ndryshojë popullin, ku sipas tij, nuk duhen paragjykuar anëtarët e komunitetit LGBT.
“Unë kam qenë abuzues i drogave për një kohë shumë të gjatë. Prindërit e mi më kanë shpëtuar nga ajo rrugë. Në momentin që unë kam dal prej rehabilitimit që kam qenë, asnjëherë nuk kam marrë më drogë. Tani jam edhe aktor e në vendin tim, unë dua të bëj një ndryshim në masë dhe tregun e shoh si një mundësi timen për të zhvilluar popullin tonë dhe jo të paragjykojnë anëtarët e komunitetit LGBT, specifikisht personat trans. Duhet që ata të lihen të lirë që ta jetojnë jetën ashtu siç duan. Victoria Oëns, personazhi im, është një vepër e imja për të sjellë ndryshim”, tha ai ndër të tjera.
