Këngëtarja e famshme Adele dhe partneri i saj Paul Rich mund të jenë martuar! Të paktën kështu mendojnë fansat që kanë vënë re një detaj të vogël por me shumë rëndësi në një postim të Adele në Instagram.
Ajo fitoi çmimin ‘Emmy’ për koncertin e saj televiziv, ‘Adele: One Night Only’ dhe publikoi një foto të kupës mbi tavolinën e saj. Por sytë e të gjithëve shkuan tek objektet pas kupës.
Ndjekësit vunë re se mbi tryezë qëndronte një lojë e personalizuar për çiftin që mbante emrin “The Paul’s”. Kaq ka mjaftuar që njerëzit të dyshojnë se ata janë martuar në fshehtësi, megjithëse s’kemi asnjë lajm nga vetë Adele dhe Paul Rich.
Më herët gjatë një interviste, Adele foli për planet e saj familjare dhe marrëdhënien me të dashurin Rich Paul në “Desert Island Discs” të BBC Sounds. Ajo i tha prezantueses Lauren Laverne se do të dëshironte të kishte më shumë fëmijë për t’i dhënë djalit të saj 9 vjeçar, Angelo, shumë vëllezër dhe motra.
“Unë patjetër do të doja disa fëmijë të tjerë,” i tha Adele Laverne. “Do të ishte e mrekullueshme nëse mundemi.” Nëse nuk do mundemi, “Unë kam Angelon”, shtoi ajo. “Dua vetëm të jem e lumtur.”
Të qenurit nënë e ndryshoi Adelën në “çdo mënyrë”, tha këngëtarja 34-vjeçare.
“Mirë, keq, e çuditshme. Më pëlqen të jem nënë,” tha ajo.
