Në nismën e saj më të re “Thuaje”, Luana Vjollca erdhi me një qasje ndryshe si kurrë më parë. Me këtë projekt ajo tregoi një anë tjetër të medaljes nëpërmjet pesë historive të saj personale që sipas saj e kanë bërë të arrijë sot aty ku është. Ajo i solli këto histori përmes këngëve të cilat u sollën çdo javë dhe kishin secila një histori të veçantë. Por teksa Luana bëri njoftimin për këngën e fundit, e cila do të jetë një bashkëpunim me një reper mjaft të njohur, fansat nuk janë aspak të kënaqur.
Bëhet fjalë pikërisht për reperin Mc Kresha, i cili do të vijë në bashkëpunim me Luanën për këngën e fundit të projektit të saj. Kresha njihet si një nga reperat më të mirë në trevat shqiptare. Pavarësisht trendeve që ndryshojnë në muzikë ai njihet për stilin e veçante dhe tekstet e pakrahasueshme.
Nga ana tjetër Luana është kritikuar mjaft për përfshirjen e saj në tregun muzikor. Shumë fansa preferojnë ta shohin atë vetëm në moderim, pasi aty ajo jep më të mirën e saj.
Dhe ky njoftim për bashkëpunim ka mjaftuar për të ngritur mjaft pyetje se çfarë po ndodh me muzikën shqiptare… Si fillim me trendin e bashkëpunimeve dhe pastaj me një bum këngësh verore të cilat as nuk dallohen nga njëra-tjetra, muzika shqiptare ka rënë plotësisht pre e komercializmit. Ka qenë këngëtari Alban Skënderaj, i cili gjatë një podcasti, ceku mungesën e madhe të muzikës në ditët e sotme. Sipas tij kryesisht muzika po bëhet për clube ndaj edhe tregu është mbushur me të rinj, mirëpo një pjesë e shoqërisë pret t’i ofrohet diçka tjetër, dhe nuk mund të ishim me dakord.
iconstyle.al
