Viti i Ri për modelen Kendall Jener ka ardhur me thashetheme të reja sa i përket marrëdhënies së saj me një djalë shumë simpatik.
Ajo është fotografuar me ish-in Chandler Parsons disa herë gjatë kësaj jave. Modelja 21-vjeçare dhe lojtari i basketbollit, 28 vjeç, kishin qenë të lidhur më parë në vitin 2014. Ata u takuan pasi kishin të njëjtin trajner personal, por së fundmi duket se çifti është rikthyer.
Të martën, të dy u takuan në një pikë shitjeje Bentley në Beverly Hills.
Më vonë atë natë, Jenner dhe mikja e saj Hailey Baldwin ndoqën skuadrën e Parsons, Memphis Grizzlies, që luajti kundër Lakers në LA. Ajo u fotografua duke bërë duart në formë zemre.
Pas lojës, të dy thuhet se dolën për darkë me Baldwin dhe më pas në një lokal nate në Delilah dhe 1 Oak në West Hollywood.
Jenner është përfolur për një lidhje me reperin A $ AP Rocky, që nga gushti i vitit 2016. Megjithatë pas Vitit të Ri, modelja i ka çuditur të gjithë kur është parë duke puthur Jordan Clarkson.
Parsons, nga ana tjetër, ka qenë i lidhur me modelen Toni Garrn. Të dy u ndanë në nëntor, pas më shumë se një viti së bashku.
