Ndarja e papritur e Channing Tatum dhe Jenna Dewan Tatum shokoi të gjithë fansat e çiftit të famshëm. Ndërsa në deklaratën e tyre të ndarjes nuk u fol për arsyen, që çoi dyshen drejt këtij vendimi, tashmë flitet se erdhi pasi nuk ishin më të dashuruar.
Çifti, të dy 37 vjeç, njoftoi ndarjen dy ditë më parë pas 9 vitesh martesë dhe një burim tregoi se kjo erdhi për shkak të karrierës së tyre.
Burimi tregoi për “Page Six” se, Jenna besonte që burri i saj nuk po përkushtohej aq sa duhej në marrëdhënien e tyre, ndërkohë që ajo thuhet se ishte “e shqetësuar” nga suksesi i aktorit.
“Ajo është e shqetësuar nga suksesi i tij. Ai po refuzon shumë role për shkak të saj dhe po ziheshin shumë”, tha burimi.
Ai shpjegoi se ndarja ishte e parashikuar, pasi ata nuk ishin më të dashuruar:
“Jenna gjithmonë thoshte se duhej të “punonin” për martesën e tyre, për ta mbajtur atë gjallë. Ndërsa Channing është një baba i shkëlqyer për vajzën e tyre, Jenna ndjeu sikur ai nuk donte t’i përkushtohej martesës”.
Channing u takua me Jenna-n në setin e “Step Up” të 2006-s, ku ata luajtën rolin e dy të dashuruarve dhe u martuan 3 vite më vonë në një ceremoni në Malibu të Kalifornisë, në korrik të vitit 2009.
Mesazhi i tyre për të gjithë ndjekësit është ky:
Hej njerëz! Ne kemi diçka të cilën do të donim ta ndanim.
Së pari, ndihet e çuditshme që ne duhet ta ndajmë këtë gjë me të gjithë, por kjo është pasojë e jetëve që kemi zgjedhur të bëjmë, për të cilën jemi shumë mirënjohës.
Jemi duke jetuar në një kohë të pabesueshme, por është gjithashtu një kohë kur e vërteta mund të shtrembërohet me “fakte alternative”, shumë lehtë. Kështu që ne duam të ndajmë të vërtetën, në mënyrë që ta dini se nëse nuk e keni lexuar këtu atëherë është me siguri trillim.
Me përzemërsi kemi zgjedhur të ndahemi si çift. Ne ramë thellësisht në dashuri vite më parë dhe kemi pasur një udhëtim magjik së bashku.
Absolutisht asgjë nuk ka ndryshuar për mëyrën se si e duam njëri-tjetrin, por dashuria është një aventurë e bukur, që po na çon në rrugë të ndryshme tani…
Nuk ka sekrete dhe ngjarje të fshehta në rrënjën e vendimit tonë – vetëm dy miq të mirë që kuptojnë se është koha për të patur hapësirë dhe për të ndihmuar njëri-tjetrin të jetojë një jetë sa më të lumtur dhe të përmbushur, që të mundet.
Ne jemi ende një familje dhe gjithmonë do të jemi prindër të dashur dhe të dedikuar për Everly. Ne nuk do të komentojmë përtej kësaj dhe ju falënderojmë të gjithëve paraprakisht për respektimin e privatësisë së familjes sonë. Shumë dashuri për të gjithë, Chan & Jenna.
