Amber Heard-it iu dha një urdhër mbrojtje pasi akuzoi bashkëshortin e saj Johnny Depp se e goditi me një iPhone në fytyrë, gjatë paraqitjes në gjyq. Ndërkohë që aktorja pretendoi se kjo është vetëm një nga incidentet e abuzimit që ajo ka vuajtur gjatë marrëdhënies së saj.
Në dokumentet e gjyqit thuhet se, Heard “jetonte në frikë” nga aktori i “Pirates of the Caribbean” dhe nga ideja se ai mund të kthehej në shtëpinë në Los Angeles që ata ndanin, për ta “terrorizuar fizikisht dhe emocionalisht”.
Aktorja 30-vjeçare dhe avokati i saj Samantha Spector u paraqitën në gjyq të premten, ku ajo paraqiti kërkesën për një urdhër kufizues për dhunë në familje. Heard tregoi fotografitë e lëndimeve të saja të pretenduara, përfshirë njëra ku tregohet me një shenjë të madhe rreth syrit.
Ajo gjithashtu tha se bashkëshorti i saj ishte shpesh fizikisht dhe emocionalisht abuziv gjatë martesës së tyre 15-mujore.
Duke e përshkruar Depp si një aktor me probleme duke luftuar çështjen e zemërimit, drogës dhe alkoolit, ajo tregoi se vuajti tre incidente të ndryshme dhune n ë vetëm gjashtë muajt e fundit.
Një incident nga dhjetori 2015, që e bëri atë, “të frikësohesha vërtetë që jeta ime ishte në rrezik”. Duke kulmuar me incidentin e fundit të pretenduar, më 21 maj, ditën pasi nëna e tij ndërroi jetë.
Në një rresht ajo thotë se, “Depp i dehur dhe i droguar” mori telefonin e saj, “duke hapur krahun e hodhi atë në faqen time dhe në sy me gjithë forcë”.
“Ai tërhoqi me forcë nga flokët ndërsa tentoja të ngrihesha nga divani. Johnny vazhdoi të më bërtiste, duke më tërhequr flokët, duke më goditur dhe duke më dhunuar në fytyrë”.
Por ajo që nuk plotëson historinë është fakti që Amber i kërkoi ndihmë një miku të vet, i cili njoftoi policinë. Më pas, 30-vjeçarja tha se aktori mori një shishe shampanjë duke thyer gjërat që i dilnin para, ndërsa u largua para se të mbërrinte policia.
Por sipas shefit të policisë, punonjësit e tij nuk kishin gjetur asnjë “provë për ndonjë krim” dhe Heard nuk kishte pranuar të bënte ndonjë ankesë. Më tej shefi i policisë shprehet se atë ditë Amber nuk kishte asnjë shenjë abuzimi, pasi po të kishte oficerët do të kishin nisur investigimit, edhe nëse 30-vjeçarja nuk do të pranonte. Tani pritet vetëm të zbulohet e vërteta, nëse ka dhunuar apo jo Depp bashkëshorten e tij.
*Shfleto galerinë
Burim: Daily Mail
