Ditën e djeshme produksioni i “Për’puthen” vendosi të pezullonte Sindin dhe Julianin nga programi për shkak të një debati të fortë që patën mes tyre. Juliani i tha Sindit se është si vaj Borshi, ekstra i virgjër, një koment që ajo nuk e priti aspak mirë. Sindi shpërtheu në të bërtitura ndaj Jualinit dhe u ngrit në këmbë për të goditur Mevlanin, që ndërhyri në debat. Më pas ajo u largua nga studioja duke u shprehur se u ndje e ofenduar, ndërkohë që askush nuk reagoi.
Mirëpo pezullimi nuk do të zgjasë shumë, të paktën për Julianin. Autorja e programit, Olsa Muhameti, ka bërë të ditur se djali nga Borshi do të rikthehet sërish në emision ditën e nesërme. Ajo tregoi se ka biseduar me Julianin dhe ky i fundit tha se çdo gjë ka shkuar mirë. Mirëpo a do të ketë një sqarim ditët në vijim pas këtij debati të fortë.
“Sot asgjë, nesër pak, të dielën i themi të gjitha”, shprehet Juliani.
Ndërkohë Sindi reagoi ditën e sotme përmes një statusi të gjatë në Instagram. Ajo u shpreh se reagimi i saj ishte i ekzagjeruar, duke pranuar kështu fajin.
“Përshëndetje të gjithë! Po prisja momentin që do kthehem në studio për të pranuar faljen e Julit dhe për t’i kërkuar falje atij dhe produksionit për ekzagjerimin e reagimit tim. Normalisht që pasi kam parë ritransmetimin, e kam vënë re që ai nuk e ka pasur me tendencë të keqe. Mbase të qeshurat që kanë shpërthyer nga të tjerët për batutën e thënë që realisht mua më prek jo për faktin se jam e virgjër që realisht më kanë bërë të reagoj keq. Në moment e sipër çdokush do të vepronte në një mënyrë të caktuar. Eh, unë jam njeri që nuk i menaxhoj dot nervat dhe normal reagova ashtu si jam pa maska dhe siç kam vepruar gjithmonë. Më vjen keq që një Shqiptari e tërë të më sulet mua pa ditur asgjë në lidhje me mua, me kërcënime, me ofendime, me nxjerrje certifikatash personale familjare e shumë e shumë të tjera, duke e ditur që në fund të ditës ishte thjesht një reagim i momentit në një reality shoë. Do të doja t’i kërkoja shumë falje edhe publikut, sepse realisht nuk ka qenë asnjëherë qëllimi im të bëj askënd të ndihet keq e për më tepër të papranuar nga unë. Ju lutem nga zemra gjithë këtë mllef ta shprehni për problemet sociale që kemi ditë pas dite dhe jo për një reagim të një 22-vjeçareje që në fund të ditës ka shumë për të mësuar nga jeta dhe është thjesht pjesë e një reality-shoë. Unë nesër, pasnesër do ta kem shok Julin dhe juve çfarë ju ngel? Kërcënimi që më keni bërë mua dhe familjes time. Cfarë bëni o njerëz?”- shkruan ajo.
