Jehona e këngës “Bon Bon”, e këngëtares nga Kosova, Era Istrefi, duket se është kthyer në hit ndërkombëtar tashmë, aq sa po diskutohet nëse është e mundur që ajo të përfaqësojë Shqipërinë në Eurovizion.
Wiwivision – një sondazh online në portalin online Wiwibloggs, e ka renditur Era Istrefin në vendin e katërt nga 70 shtetet pjesëmarrëse për të përfaqësuar Shqipërinë në Eurovision. Gara Wiwivision e ka renditur Erën si kandidaten pretendente për të përfaqësuar Shqipërinë në Eurovisionin.
Por edhe pse kjo këngë ka shumë klikime në Youtube, ajo nuk është pëlqyer shumë nga juritë e shteteve. Vetëm nga votuesit ka marrë mbi 200 pikë.
Eurovizion është një garë e këngës evropiane, ku përfaqësues nga shtetet evropiane marrin pjesë duke kënduar live. Shqipëria zgjedh të përfaqësohet nga fituesi i Festivalit të Këngës në RTSH dhe sigurisht që Era duhet të triumfojë mes shumë këngëtarëve të tjerë shqiptarë, në mënyrë që të na përfaqësojë në Eurovizion.
