Çmimet në stratosferë të ushqimeve e karburanteve kërcënojnë ekonominë shqiptare!
Rritja e çmendur e çmimeve në këto dy kategori që janë në dorën e oligarkëve shqiptarë, ka sjellë ulje me 2,2% të konsumit të familjeve shqiptare, sipas INSTAT.
“Rritje të mëtejshme e çmimeve të ushqimeve dhe energjisë janë një rrezik kryesor për rritjen, pasi mund të ndikojë në të ardhura, ngadalësojnë uljen e varfërisë dhe kufizojnë hapësirën fiskale” thuhet në raportin e Bankës Botërore.
Banka Botërore paralajmëron se ekonomia jonë kërcënohet jo vetëm nga inflacioni dhe goditjet e jashtme, por edhe nga faktorët e brendshëm, të krijuar nga vetë qeveria shqiptare.
“Rreziqet e brendshme burojnë nga fatkeqësitë natyrore, partneritetet publiko-private dhe Ndërmarrjet Shtetërore, përveç rreziqeve fiskale që rrjedhin nga sektori energjetik i vendit me bazë hidroenergjetike që vijnë nga variacionet në hidrologji,” shkruan raporti.
Nisur nga eksperienca e mëparshme me luftën Rusi-Ukrainë, natyrshëm lind pyetja: A do të na rrisin sërish çmimet e produkteve të shportës dhe shërbimeve të tjera në Shqipëri, me justifikimin e luftës Izrael-Palestinë?
