Blogeren Armina Mevlani e kemi parë prej kohësh tashmë edhe në rolin e moderatores. Ajo ka bashkëprezantuar prej dy sezonesh emisionin “Goca dhe Gra” dhe së fundmi është pyetur nëse do të jetë edhe në sezonin e radhës të programit.
“Për momentin jemi pushim, me shumë mundësi do të jem edhe këtë sezon. Le të shohim”– ka shkruar Armina në Instastory.
Armina Mevlani mungoi në puntatën e fundit të emisionit “Goca dhe Gra”. Megjithatë, ajo u paraqit virtualisht dhe tregoi se po kalon kohë me bashkëshortin e saj Shkëlzen Berisha dhe fëmijët e tij, me të cilët ka festuar Krishtlindjet.
“Më ka marrë malli. Ndihem keq që nuk jam fizikisht, ashtu siç duhej aty. Do të doja të isha me ju për Krishtlindje, po detyrime e angazhime familjare, se fëmijët e Shkëlzenit i kemi larg, kështu që festuam Krishtlindjet me ata. Do më marrë shumë malli”, u shpreh Armina.
Gjatë një tjetër puntate të “Goca dhe Gra”, ku Armina është bashkëprezantuese, u diskutua mbi marrëdhënien e me fëmijët e partnerëve. Sigurisht Armina tregoi eksperiencën e saj, duke u shprehur se nuk pretendon të jetë një nënë për to.
“Unë i kam njohur që 9-vjeç.. jo absolutisht, nuk pretendoj më shumë, madje kam marëdhënie shoqërore me të, i jap këshilla, bëjmë qef. S’mund t’i bëhem mama, se mamanë e kanë, absolutisht,”– u shpreh Armina.
Më herët një ndjekës e ka pyetur moderatoren nëse është shtatzënë dhe Armina nuk ka ngurruar aspak t’i përgjigjet me sinqeritet.
“Akoma jo, së shpejti, do të doja ta përjetoja këtë eksperiencë në fakt”– shkroi Armina.
