Dyshimet për një koleksion veshjesh për meshkujt nga shtëpia e njohur e modës nisën pasi dizajnuesi Hedi Slimane u largua nga “Saint Laurent” në prill të 2016-s. Thashethemet u shtuan edhe më shumë nisur nga miqësia e dizajnuesit francez me Karl Lagerfeld, duke menduar se Slimane mund të merrej me drejtimin e veshjeve për meshkujt në shtëpinë e modës “Chanel”.
Por përmes një deklarate “Chanel” sqaroi: “Shtëpia e modës “Chanel” nuk ka asnjë projekt me Hedi Slimane. “Chanel” nuk po punon në prezantimin e një koleksioni për veshjet e meshkujve”.
Ndërsa Lagerfeld ka shfaqur paraqitje të përzgjedhura për meshkujt në pasarelat e markës në të kaluarën, dizajnuesit raportohet se nuk është i interesuar në dizajnimin e tyre.
Për tani, duket se të dy, Lagerfeld dhe “Chanel”, do të vazhdojnë të fokusohen në veshjet për femrat.
Burimi: WWD
