Shumë shpejt, moderatorja Dojna Mema dhe partneri i saj Vlashent Sata, do të bekohen me mrekullinë më të madhe të jetës.
Ata do të bëhen prindër për herë të parë, pasi Dojna është në ditët e fundit të pritjes së ëmbël. Moderatorja ka preferuar që këtë rrugëtim të bukur ta ndajë me të gjithë ndjekësit e saj në rrjete sociale dhe vazhdimisht ka marrë e dhënë këshilla për shtatzëninë.
Djali i tyre do të vijë në jetë shumë shpejt, ndaj ndjekësit janë bërë kuriozë të dinë nëse pas lindjes do ta shohim sërish Dojnën në ekran.
“Kur do dalësh në punë? Pas lindjes do qëndrosh gjatë në shtëpi me djalin?”- i shkruan dikush, që e mori një përgjigje nga moderatorja.
“Fakti që bëhem nënë nuk mendoj se do të më privojë nga të qenurit grua me dëshirat, pikësynimet dhe profesionin e saj. Për mua është fëmija i parë dhe s’e di si do të përballem, por në këtë moment e mendoj që do të kthehem shpejt. Unë e dua dhe më lumturon puna që bëj. Rrjedhimisht një mami e lumtur ka një fëmijë të lumtur”- shkruan ajo dhe i japim kaq shumë të drejtë!
Megjithatë, përjetimi i çdo gruaje është ndryshe, ndaj çdo vendim që e bën të ndjehet mirë, është i duhuri.
