“The Batman” u bë filmi me fitimet më të larta të vitit 2022 deri më tani me një fitim total prej 759 milionë dollarësh dhe mori pëlqimin e gjerë të fansave të cilët menjëherë nisën spekulimet për pjesën e dytë të filmit.
Pjesë e rëndësishme ishte nëse Robert Pattinson do të ishte pjesë gjithashtu dhe së fundi erdhi konfirmimi, pasi “Warner Bros” njoftoi të martën se ai do të rikthehej për të luajtur në një vazhdim të “The Batman”.
Aktori 35-vjeçar do të luajë edhe një herë Bruce Wayne dhe alter egon e tij dhe gjithashtu regjisori i filmit Matt Reeves do të kthehej për vazhdimin. Reeves, 56 vjeç, foli në prezantim dhe konfirmoi se do të ishte sërish regjisor, megjithëse ai nuk ndau asnjë detaj të komplotit apo skenarit të filmit të shumëpritur ose një datë të saktë dhe se fansat mund të duhet të presin deri në prill të vitit 2023 për më shumë informacion rreth “The Batman 2”.
Suksesi i The Batman ishte disi befasues pavarësisht nga popullariteti i heronjve të librave komikë – pasi përmban një ton dhe stil shumë më të errët se filmat e tjerë të superheronjve dhe ka një kohëzgjatje tre-orëshe.
Por kritkët mesa duket se nuk e patën problem, dhe filmi aktualisht ka një vlerësim mbresëlënës prej 85% në “Rotten Tomatoes”.
Filmi tregon Batman në vitin e tij të dytë të luftimit të krimit, kur ai është ende relativisht i papërvojë. Zoë Kravitz u shfaq në film si Selina Kyle/Catwoman, ndërsa Paul Dano luajti si The Riddler dhe Colin Farrell u shfaq i panjohur nën proteza si Penguin.
Batman u publikua së fundi në HBO Max dhe u dëshmua të ishte një sukses, duke mbledhur shikime nga 4.1 milionë përdorues.
