Të organizosh “Miss Globe”-in nuk është aspak e lehtë! Ambienti, skenografia, veshjet, lista e të ftuarve, marketingu, etj. kërkojnë javë të tëra përgatitje.
Rezultati sesa e arritur është do të vërehet nga pjesëmarrja! Producenti Petri Bozo u mor me përgatitjet e eventit që mblodhi 56 bukuroshe nga e gjithë bota, ndërsa përfaqësuesja e Vietnamit u shpall fituese e konkursit të bukurisë.
Eventi u shoqërua me performanca live të orkestrës, me të ftuar personazhe të njohur të spektaklit shqiptar, por asnjëherë nuk u fol për numrin e pjesëmarrësve apo personat që e ndoqën nga afër.
Në fakt një foto e siguruar nga “Iconstyle.al” dhe disa video tregojnë atë që ndodh përpballë skenës së spektaklit.
Spektakli, i cili zgjati 3 netë, u finalizua në mbrëmjen e 3 nëntorit, pikërisht në ditën ku janë realizuar dhe imazhet.
Nga pamjet mund të dalloni se pjesëmarrja ka qenë shumë e ulët, veç reshtave të para, pjesa tjetër e “Parkut Olimpik” është komplet i boshatisur.
“Është një aktivitet madhor që e kemi mbajtur me shumë mundime pavarësisht ndihmës minimale, që ka dhënë shteti shqiptar gjatë gjithë këtyre viteve”, kujtohet të ketë thënë Petri Bozo në prezantimin e parë për edicionin e këtij viti.
Ndërsa “Miss Globe” festoi këtë vit 10-vjetorin shqiptar, ku evenimenti i madh ndërkombëtar të bukurisë u soll në shtetin tonë në shtatorin e vitit 2004, pas katër vitesh përpjekje.
Sipas kontratës, Bozo ka edhe një vit tjetër të drejtë të organizimit të këtij konkursi bukurie. Nëse do të përsëritet kontrata, rezultatet do të flasin!
