Të gjithë po flasin për shtatzëninë e mundshme të Amal Clooney. Avokatja e të drejtave të njeriut është shfaqur me një bark të rrumbullakët ose këtë ide na jep, teksa ka qenë e pranishme së bashku me George Clooney në një event të “Netflix” në Londër.
38-vjeçarja dukej e mrekullueshme e veshur me një fustan me lule të firmës “Dolce&Gabbana” në eventin e organizuar nga “Clooney Foundation for Justice” por njerëzve nuk iu ka shpëtuar pa vënë re barku i Amal.
Amal dhe George dukeshin më të dashuruar se kurrë në këtë event. Ata dukeshin në një gjendje të mirë shpirtërore, ndërkohë që pozonin për fotografët.
Amal është përfolur disa herë për një shtatzëni të mundshme, por kurrë nuk kemi patur një konfirmim apo mohim të këtyre thashethemeve. Mbetet për t’u parë nëse çifti, i cili u martua më 27 shtator 2014, do të mirëpresë ardhjen në jetë të një fëmije dhe do të përjetojnë për herë të parë emocionet e të qenit prindër.
Burimi: Daily Mail
