Jeta vazhdon pavarësisht gjithçkaje! Ky është me siguri motivi i Kylie Jenner pas ndarjes nga Tyga.
Marrëdhënia mes 19-vjeçares dhe Travis Scott sa vjen edhe forcohet. Spekulimet për një lidhje mes tyre nisën kur dyshja u fotografua duke flirtuar me njëri-tjetrin në një festë në fillim të këtij muaji.
Por duket se fotot e publikuara së fundmi përforcojnë dyshimet se dyshja është në një lidhje. Kylie dhe Travis janë fotografuar mbrëmjen e së martës, teksa ishin duke ndjekur një ndeshje mes Houston Rockets dhe Oklahoma City Thunder.
Sipas një burimi të revistës “People”, Jenner dhe Scott janë fotografuar edhe në një tjetër event ku reperi ka performuar. Pas përfundimit të koncertit, ata janë parë duke u përqafuar, duke lënë të nënkuptohet se janë një çift.
Burimi: Daily Mail
