Nëse dikush në zyrë po ju jep më shumë se miqësi, bëni kujdes. Shumë lidhje të mrekullueshme kanë nisur në punë. Por në qoftë se flirti i kolegut në punë i tejkalon kufijtë dhe ju jeni në një marrëdhënie, atëherë çështja është: A duhet t’i thoni partnerit?!
Për t’ju ndihmuar të vendosni nëse do t’i ndani këto flirtime apo jo, ne po ju japim përgjigjen e tre burrave të cilët kanë thënë disa fjalë të vërteta.
“Nëse do sherr, thuaji”
“Nëse i thoni kolegut tuaj që ai po flirton me ty, ka të ngjarë të mendojë se ju po kërkoni të tërhiqni vëmendjen. Nëse ai bën një lëvizje, i thoni të tërhiqet, pastaj informojeni partnerin tuaj”, thotë Dean Stattmann, redaktor i markave.
“Mos i thuaj, duhet ta rregullosh vetë”
“Është përgjegjësia juaj – jo e të dashurit juaj – ta përballoni situatën në qoftë se po shkon shumë larg. I thoni kolegut të mbledhë veten dhe flisni sinqerisht me të”, thotë Paul Kita, redaktor.
“Po ti po flirton me të”?
“Edhe nëse jeni duke flirtuar, partneri nuk ka nevojë ta dijë. Gjithsesi ju duhet të pyesni veten nëse veprimet tuaja janë të pafajshme ose jo”, thotë Michael Sneeden.
Përfundimi
Flirtimi me të tjerët, qoftë edhe i pafajshëm, nuk është një temë e mirë, pasi mund të nxisë xhelozinë ose të bëjë që ju të dukeni të pasigurt. Por nëse kolegu juaj kalon kufirin apo bën përparime të padëshiruara, njoftojeni atë dhe partnerin tuaj, ose madje edhe burimet njerëzore nëse situata shkon shumë larg.
Burimi: Womenshealthmag
