Përndjekja e moderatores Luana Vjollca, nga 31-vjeçari, Besmir Lila, ka nisur para një viti. I kthyer nga Anglia në vitin 2016, Lila ishte marrosur pas Vjollcës, aq sa i shkruante edhe mesazhe kërcënuese si “Do të të ngjitem lart në shtëpi” ose “Po të pres poshtë” në profilet e saj në rrjetet sociale, shkruan “Panorama”.
Madje thuhet se ai e ka ndjekur disa herë pasi ajo kthehej nga puna. Kjo ka ndodhur edhe një ditë më parë, pasi Vjollca, ndërkohë që kthehej nga puna me makinën e saj “Audi”, ka vënë re se po ndiqej nga 31-vjeçari me një makinë “Fiat Punto”. Pas saj ka qenë pikërisht i dashuri Krenar Çoçaj, i cili e ka shoqëruar atë me një makinë tjetër në mënyrë që të gjendej pranë në rast rreziku nga personi që po e ndiqte.
Sipas policisë, Luana u ndalua në rrugë nga 31-vjeçari Besmir Lila, i cili tentoi t’i flasë “fiksimit” të tij. Por në atë moment, në skenë është futur i dashuri aktual i biondes seksi. Krenar Çoçaj, 29-vjeçari nga Prishtina është përleshur me fansin e partneres së tij. Momentin e ndërhyrjes së policisë në zonën e Unazës së Re ku ndodhi ngjarja, ku Luana qetësohet pasi në vendngjarje mbërritën forcat e policisë.
