Prezantuesja Luana Vjollca është përfshirë në një incident të pakëndshëm mbrëmjen e djeshme, pasi një fans i saj e përndiqte prej kohësh.
Bëhet fjalë për 31-vjeçarin Besmir Lila, i cili është përleshur me partnerin e prezantueses Vjollca. Pas zënkës që ndodhi në zonën e Unazës se Re në Tiranë, policia ka arrestuar në flagrancë rreth orës 23:00, shtetasin Besmir Lila, 31 vjeç, i cili u konfliktua fizikisht me të dashurin e Luanës, Krenar Cocajn.
Si ndodhi ngjarja
Mbrëmjen e djeshme rreth orës 19:00, në Unazë të Re, pranë Hotel “Roland”, shtetasi Besmir Lila ka ndaluar për t’i folur shtetases Luana Vjollca, të cilën e përndjek në mënyrë të vazhdueshme. Ndërkohë qe 31-vjeçari nga Tirana, ka goditur me grusht, të dashurin e prezantueses shqiptare , 29-vjecarin, Krenar Çocaj, banues në Prishtinë, i cili erdhi në ndihmë të Luanës. Gjatë kontrollit fizik, shtetasit Besmir Lila, ju gjet dhe bllokua në cilësinë e provës materiale një armë zjarri, e llojit pistoletë, pa numër.
Kush është fansi i çmendur i Luanës
Besmir Lila është 31-vjeçari i cili përndjek prej kohësh moderatoren shqiptare. Shtetasi banues në Lundër, është fansi i zjarrtë i moderatores, fiksimi i të cilit pas saj, ka shkuar deri në një sherr të dhunshëm me të dashurin, Krenarin. Përmes një kërkimi, “ICONstyle” zbuloi se Besmir Lila njihet si një tip sportiv që merret me palestër. Ai publikon shpesh foto të Luanës në rrjetet sociale.
*Shfleto Galerinë
Burimi: ICONstyle
