Sipas një raporti të ri, “WhatsApp” do të fillojë sistemin e transfertave të pagesave mes miqve këtë vit.
Ky aplikacion mesazhesh pritet që t’ua ofrojë këtë mundësi përdoruesve në Indi në gjashtë muajt e ardhshëm.
Kjo vjen pasi në Indi është tregu i tyre më i madh, shkruan “The Independent”.
“WhatsApp” ende nuk i ka konfirmuar apo mohuar këto raporte, të cilat kanë ardhur gati menjëherë pasi që bashkë-themeluesi Brian Acton ka lënë të kuptohet se ky funksionalitet mund të jetë në zhvillim e sipër.
“India është një vend i rëndësishëm për “WhatsApp”-in, dhe ne po e kuptojmë atë sesi mund të kontribuojmë në vizionin e Digital India”, kishte thënë ai në një deklaratë në “TechCrunch”.
