Gjatë vitit 2015 interneti “u çmend” nga fustani i famshëm, i cili perceptohej në ngjyra të ndryshme nga njerëz të ndryshëm.
Dikush e shihte ngjyrë blu me të zezë, ndërsa të tjerët ngjyrë të artë me të zezë. Por mjaft më me spekulime, pasi lidhur me këtë u bë një studim me 13.000 njerëz nga neuroshkencëtari, Pascal Wallisch i Universitetit të New York-ut.
Rezultatet u publikuan në “Journal of Vision” duke shpjeguar se:
“Imazhi origjinal ishte shumë i ekspozuar ndaj dritës, pra, burimi i saj ishte i pasigurt. Si rezultat, të gjithë ne kemi bërë hamendësime mbi llojin e ndriçimit të përdorur në foto dhe kjo ka ndikuar në perceptimin tonë të ngjyrës. Hijet janë blu prandaj predispozita është të shohim blunë për të parë imazhin. Nga ana tjetër, dritat artificiale ndikojnë dhe ne mendojmë se janë ato që ndriçojnë fustanin dhe truri e eliminon këtë ngjyrë, duke na bërë të mendojmë që ai është blu dhe i zi.
Duke hetuar ritmin e jetës së njerëzve që morën pjesë në studim, studiuesi zbuloi se perceptimi i ngjyrave kushtëzohej nga sasia e dritës diellore që ekspozohet secili prej tyre. Ata që zgjohen herët dhe kalojnë më tepër kohë në dritë natyrale, e shohin fustanin të bardhë dhe ngjyrë ari. Ata që qëndrojnë zgjaur më shumë gjatë natës duke kaluar më tepër orë me drita artificiale, e shohin të zi dhe blu”.
