Për herë të parë, këngëtarja Zaimina Vasjari ka rrëfyer historinë e dashurisë me partnerin e saj prej 12 vitesh. E ftuar në emisionin e Rudinës në “TV Klan”, këngëtarja ka kujtuar edhe momente nga udhëtimi në Maldive, me partnerin e saj.
Zaimina pranoi se udhëtimi në Maldive ka qenë një surprizë për Shën Valentin nga partneri dhe se para këtij udhëtimi kishte patur edhe një krizë mes tyre dhe ky udhëtim shërbeu si një ribashkim.
Për herë të parë ajo ka treguar edhe për momentin e tyre romantik të propozimit.
“Pasi mbaruam mëngjesin, poshtë pecetës ishte një unazë, që nuk e kisha parë. U emocionova shumë sepse nuk e prisja. E dija që udhëtimi do të ishte romantik për shkak edhe të Shën Valentinit, por që do të merrja një unazë fejese kurrësesi. Tani i kemi bërë muhabetet shumë familjare dhe jemi shumë të lumtur bashkë”, ka thënë këngëtarja.
E pyetur për momentin e tyre të njohjes dhe Zaimina ka thënë se, është njohur me të gjatë kohës kur ai ngacmonte shoqen e saj. Por më pas i kishte thënë këngëtares, “Të dua ty jo atë”…
Sa i përket propozimit për martesë, Zaimina ka thënë se gjërat janë drejt asaj rruge por atyre iu pëlqejnë më shumë gjërat e paplanifikuara, njëlloj si momenti romantik në Maldive.
