E dini sa paguhet Beyonce për një postim në “Instagram”? Çdo postim i saj në rrjetin social vlen 1 milion dollarë.
Ylli është cilësuar si e famshmja më me shumë influencë në publikimin e fotove sipas “D’Marie Analytics”, me një vlerë që arrin në 1 milion dollarë bazuar në disa faktorë, si numri i ndjekësve apo angazhimin e tyre.
Drejtori i “D’Marie Analytics”, Frank Spadafora, u shpreh se mënyra e limituar e përdorimit të mediave sociale nga ana e këngëtares ka rritur fuqinë e saj për të fituar të ardhura.
“Publikimet e rralla ekskluzive, me përmbajtje të kuruar, shkaktojnë valë të tilla tërheqjeje nga audienca. Në këto ditë, më pak është më shumë”, shprehet Spadafora.
Popullariteti i Beyonce u dallua në fillim të këtij viti, kur ajo deklaroi në “Instagram” se është në pritje të binjakëve. Postimi mblodhi 6,335,571 pëlqime në 8 orë dhe theu rekordin për imazhin më të pëlqyer në website.
Beyonce arriti rekordin e mëparshëm të mbajtur nga Selena Gomez, e cila arriti 6.6 milionë pëlqime në foton e saj me “Coca-Cola”.
Burimi: Bang Showbiz
