Fundjavat janë për t’u argëtuar dhe për të kaluar disa orë ndryshe! Këtë të shtunë kryeministri Edi Rama dhe kryebashkiaku Erion Veliaj vendosën që të zhvillonin një ndeshje basketbolli në fushat e reja të ndërtuara në Parkun e Liqenit Artificial.
Në fushë u përballën nxënësit e shkollës “Sami Frashëri” dhe “Qemal Stafa”.
Rama Veliaj vizituan edhe mjediset e tjera të kompleksit sportiv që ofron mundësi për lojëra basketbolli, volejbolli, futbolli, regbi, hendboll dhe hokej me patina si dhe garanton standarde bashkëkohore për organizime të ndryshme sportive, duke ofruar edhe një hapësirë për akomodimin e shikuesve.
Fushat sportive janë funksionale ditën dhe natën, me ndriçim dhe ujitje, si dhe do të mirëmbahen nga Agjencia e Parqeve dhe Rekreacionit. Një nga fushat është me bar, ndërsa dy të tjerat janë me tartan për basketboll, volejboll, kalçeto. Ndërkohë, tre tribunat ofrojnë 600 vende ulëse për publikun.
