Moderatori i njohur i humorit, Ermal Mamaqi, nuk e parashikoi që një foto, që besohej të shkaktonte humor në profilin e tij në “Instagram”, t’i inatoste fansat.
Bëhet fjalë për një foto përmes së cilës ai është munduar të krahasojë sesi ka ndryshuar vajza Rashel Kolaneci pas pjesëmarrjes në programin Xing me Ermalin.
Por moderatori, ose personat që merren me administrimin e faqes së tij, e tepruan kur përdorën foton e një vajze të sëmurë anoreksike. Fansat kanë reaguar menjëherë duke i kërkuar Ermalit të heqë foton dhe duke e bërë report atë, në mënyrë që ajo të fshihet nga vetë “Instagrami”.
“Kujt i duket komike kjo foto?!!! Sëmundje vs Silikon. Turp t’u vij”, shkruan një nga fansat e tij.
“Kjo nuk është aspak për të qeshur, si mund të bësh humor me një sëmundje të tillë????”, shkruan një tjetër.
