Përveç këngës “Beautiful” një tjetër arsye përse shqiptarët u dashuruan pas këngëtarit britanik James Blunt, ishte fakti që ai kishte shërbyer në Kosovë në kuadër të forcave të KFOR-it pas ndërhyrjes ushtarake që NATO bëri ndaj forcave serbe.
Ai madje ksihte përgatitur edhe një dokumentar duke shpalosur përvojën e tij në Kosovë dhe tmerrin që shqiptarët përjetuan në luftën e vitit 1999. Por më së shumti, këngëtari britanik u dallua për muzikën e tij të veçantë pas së cilës u afeksionua çdo shqiptar.
22-vjeçari do të rikthehet me një album që do të dalë të premten. Ai ka punuar dy vite për të përgatitur “The Afterlove”. Albumi, para këtij, ka qenë “Moon Landing” i publikuar në vitin 2013. Një vit më pas ai publikoi një koleksion platini, për t’u përqendruar më pas në krijimin e këngëve të reja.
Në një intervistë James Blunt tregon edhe për një bashkëpunëtor të rëndësishëm, Ed Sheeran, i cili është bashkautor i disa këngëve.
