Kati i nëndheshëm i “Bibliotekës Kombëtare” është përfshirë nga flakët këtë të mërkurë. Burimet nga vendi i ngjarjes konfirmojnë se tre zjarrfikëse kanë mbërritur për shuarjen e zjarrit.
Dyshohet se shkak për zjarrin është bërë një shkëndijë elektrike. Flakën janë neutralizuar ndërsa dëmet mendohet të jenë të konsiderueshme.
Këtë e konfirmoi drejtoresha e Bibliotekës Kombëtare, Persida Asllani, e cila sqaroi se deri më tani, nuk rezulton të jenë prekur dokumente të rëndësishme shqip.
“Situata u mor menjëherë nën kontroll nga shërbimi zjarrfikës.”, deklaroi ajo, “Nga të dhënat paraprake nuk na rezultoi të jenë prekur mjediset ku ruhen vlerat e rralla dhe arkivi shqip i fondeve të Bibliotekës Kombëtare, dhe as baza elektronike e të dhënave të bibliotekës.”
