Jeni mërzitur nga njerëzit e zakonshëm në aplikacionin që ju jep mundësinë të njihni njerëz të rinj, “Tinder”? Ndoshta po kërkoni dikë , që të ketë jahtin personal dhe shërbëtor, në këtë rast ju vjen në ndihmë “Tinder Select”.
Por ka një problem, versioni sekret, që përdoret vetëm nga njerëzit me një status të caktuar në shoqëri është vetëm për “anëtarët”.
“Tinder” vendosi që të shtonte një version të fshehtë, i cili u jep mundësi të njihen vetëm personat e famshëm dhe të pasurit.
Sipas “TechCrunch”, modelët, drejtorët ekzekutivë të kompanive dhe të gjithë ato që janë të suksesshëm në “Tinder” do të jenë të vetmit, të cilët do të mund ta përdorin këtë version të personalizuar.
E gjithë kjo do të funksionojë si një opsion “elitë” ku vetëm të famshmit do të mund të ndjekin njëri-tjetri,
“Tinder Select” është opsioni më i fundit i “Tinder”-it, përdorimi i të cilit është mjaft i thjeshtë. Akoma nuk është e qartë mënyra se si kompania do të mund t’i bëjë pjesë të kësaj strategjie, por duket se do të jetë vetë ajo që do t’i përzgjedhë në bazë të nominimeve.
Mendohet se ata të cilët “Tinder” do të zgjedhë t’i ftojë, nuk mund të ftojnë dikë tjetër në mënyrë që “Tinder Select” të mos përhapet shpejtë.
Burimi: Independent
