Cara Delevingne u sigurua që të dallohej mjaftueshëm natën e së shtunës në Paris, kur iu bashkua shoqeve modele në festën që u mbajt në kryeqytet.
24-vjeçarja kishte ndryshuar “look”, duke i bërë flokët bionde platin, dhe duke nxjerrë në pah vetullat e saj të trasha dhe me formë dhe sytë me ngjyrë.
E veshur me një kostum bardhezi, me vija, Cara dukej tepër në formë, dhe me muskujt e barkut që do t’i kishte zili çdo femër. Bukuroshja britanike i kishte kapur gërshet në njërën anë flokët dhe dukej tepër ekstravagante, me aksesorët e varur në qafë.
Ajo e kishte kompletuar veshjen me një rrip të zi Gucci me togzë në ngjyrë floriri dhe një bluzë crop-top që nxirrte në pah muskujt e barkut. Cara ka lënë mënjanë karrierën e modelingut kohët e fundit, duke u fokusuar më tepër në atë kinematografike.
