Ajo është quajtur vajza më e bukur në botë. 10-vjeçarja Kristina Pimenova ka bërë botën për vete me bukurinë e saj, të trashëguar nga e ëma, një ish-modele.
Por ajo ka mbledhur edhe shumë kritikë, të cilët kundërpërgjigjen për statusin e saj të cilësuar si një “supermodele”. Fëmija fotomodele nga Rusia, që nisi të merrej me modeling që në moshën trevjeçare, ka edhe një valë komentesh negative, nëse ajo shihet si një figurë “sensuale”.
Kristina ka qenë imazh i “Dolce & Gabbana” dhe “Roberto Cavalli”, ndërsa tashmë nëna e saj ka krijuar edhe një lojë me në qendër vajzën 10-vjeçare.
Kristina ka lindur më 27 dhejtor të 2005-s, për pak ditë mbush 10 vjeçe, por ka mbi 3 milionë ndjekës në “Facebook”, ndërsa në “Instagram” mbi 900.000 ndjekës. Shumë prej tyre e quajnë të papërshtatshme paraqitjen dhe modelin e fotove, duke kritikuar nënën e saj, Glikeriya Shirokova.
E ëma e 10-vjeçares ruse, e cila monitoron të gjitha rrjetet sociale të Kristinës, shkruan se vajza e saj nisi të merrej me modelingun në moshën 3-vjeçare, pasi njerëzit i thonin gjithmonë se ishte e adhurueshme. Pasi nëna e saj vendosi të merrte këtë hap, Kristina kuptoi se ishte diçka e bukur, sidomos sfilatat dhe javën e modës.
