Parlamenti Evropian votoi për t’i dhënë fund udhëtimit pa viza për amerikanët brenda BE-së.
Ky vendim vjen pasi SHBA-të nuk arritën të bien dakord për udhëtimin pa viza për qytetarët e pesë vendeve të BE-së, Bullgari, Kroaci, Qipro, Poloni dhe Rumani-si pjesë e një marrëveshjeje reciproke.
Qytetarët amerikanë normalisht mund të udhëtojnë në të gjitha vendet e bllokut pa viza. Por votimi nga Komisioni i lirive civile do të thotë që amerikanët do të duhet të aplikojnë për dokumente shtesë për 12 muajt e ardhshëm.
Komisioni Evropian zbuloi tre vjet më parë se, SHBA nuk ka përmbushur detyrimet sipas marrëveshjes së reciprocitetit, por ende nuk ka marrë ndonjë veprim ligjor.
Australia, Brunei, Japonia dhe Kanadaja po ashtu janë duke dështuar në detyrimet e tyre, por këto vende do të heqin shumë shpejt çdo kufizim për qytetarët e BE-së.
Pas votimit, Komisioni duhet të veprojë për të pezulluar heqjen e vizave për amerikanët, por Parlamenti Evropian ose Këshilli Evropian mund ta kundërshtojë.
Burimi: The Independent
