Konkurrentja e Rita Orës, Louisa Johnson, triumfoi në edicionin e sivjetshëm të “XFactor UK”. Ajo u kthye fituesja më e re në moshë, e konkurrsit të zbulimit të talenteve të reja në muzikë, finalja e të cilit u mbajt të shtunën.
Ndërsa këngëtarja me origjinë nga Kosova, Rita Ora, e cila mori pjesë në këtë program për herë të parë, triumfoi njëkohësisht edhe ajo me 17-vjeçaren Johnson.
Gjatë kësaj mbrëmjeje performuan edhe grupi “Coldplay” dhe Adele, të cilët edhe kanë dëshmuar se janë fansa të programit dhe se e kanë ndjekur çdo episod këtij edicioni.
Madje, Adele ka treguar se favoritja e saj ishte Lauren Murray, konkurrentja tjetër favorite e Ritës.
“One Direction” performoi dy këngë, duke bërë kështu paraqitjen e fundit bashkë para se moderatorët të shkonin në deklarimin e fituesit.
Pas shpalljes së fitueses, Rita falënderoi përzemërsisht Simon Cowell për mundësinë që i dha asaj dhe Louise-s.
