Një foto e themeluesit të rrjetit social, Facebook, Mark Zuckerberg, ka shkaktuar dyshime, mbi faktin që të gjithë mund të përgjohemi nga kompjuteri.
Në foton e shpërndarë nga mbreti i rrjeteve sociale, vihet re se kamera e kompjuterit të tij portativ, që mban në tavolinë është e bllokuar me një ngjitëse e po ashtu edhe mikrofoni i ambientit.
Menjëherë në forumet teknologjike thanë se kjo bëhej për shkaqe sigurie. Ekspertët këshillojnë, që të kontrollohet periodikisht nga përdoruesit e kamerave, për llojin e kodimit dhe të sigurisë, që ato ofrojnë dhe nëse ky kodi është hakuar ndonjëherë.
“Nuk është paranojë. Ka njerëz që janë në gjendje të futen në kompjuterin tuaj dhe t’u aktivizojnë kamerën dhe të shohin se çfarë po bën. Kjo ndodh shpesh dhe jo vetëm me kompjuterët, por edhe tek kamerat e sigurisë”, thotë për “Bussines Insider”, shefi i sigurisë së Symantec, Liam O’Murchu.
