Balerini i famshëm shqiptar, që ka korrur sukses në Itali, Kledi Kadiu dhe këngëtari Ermal Meta i cili zuri vend në treshen më të mirë të Sanremos, janë takuar bashkë në Itali, për të realizuar një nga fotot më të bukura të ditës.
Të dy të qeshur, Kledi Kadiu dhe Ermal Meta kanë përshëndetur shqiptarët me shenjën e shqiponjës së bërë me duar. Por përpos fotos së veçantë, ajo që ka tërhequr më shumë vëmendjen tonë, është komenti i një shtetaseje italiane, nga Cagliari e quajtur Dolores Raffom, e cila shkruan:
Bukur t’iu shohësh bashkë. Po në Shqipëri, meshkujt janë të gjithë kështu.. të zotë, të bukur, simpatikë, të përulur etj…
Menjëherë pas këtij komenti, kanë vërshuar fansat, shumica e të cilëve shqiptarë që shkruajnë se Shqipëria ka artistë vërtet të zotë dhe se përveç se të bukur jemi edhe njerëz të ndershëm.
